المجلس المربوع

[RIGHT][COLOR=#FF002E]المجلس المربوع[/COLOR] للشاعر/ عبدالله الطلحي[/RIGHT] [frame=”16 80″] [CENTER]مــركاي والمســبحة والنــار والـدلة
في خايعٍ يحجـب الجـوال وإرساله

افضل من المجلس اللي تكرهه كله
ماهـو بكفـوٍ لكيـف الشــعر ودلاله

كلٍ يراســل بجــوالــه مــع الشــله
جــالس مع الناس وعيـونه بجواله

عادي وقطـع الســوالف عندهم فله
مايدري الرجــل لو عــدوه فنجـاله

جعلــه فــدا مجلسٍ مربــوع ما امله
اللي لو إنه بعيــد الـــدار يعنـــاله

مجلس كريـمٍ بنى المجد وتزهل له
ســاسـه قديمٍ وهو عـلاه بافعاله

تلقى علوم النشــاما كسـب وجبلّه
وتلقى جزال القصائد فيه مختــاله

مثل الذهــب نعتبــره الكنــز والغـله
من نخبــةٍ كل شــاعر وازن اقـواله

تدخــل من العقــل لين القلب وتتله
لو كان ماشــلها بالصـــوت , يالاله

والشــعر تالي زمــانه مختلـــف دله
يرثى لحــالة جمــاهيره ويرثى له

مـختـــل مـعنـــاه والأوزان مــخــتله
كلٍ يغنـــي على طـــرقه ومــواله

إن كان ماجــابه الشــاعر على شله
وإلا يعــد القصيـــد وكنـــه لحــاله

تلقــاه يطــوي كتــاب الشــعر ويفله
مـاكنــه إلا يســولف عنــد بنقــاله

من يجلب البل لسـوق البنقلة قل له
محدٍ درى عن شداد شعيل وعقاله[/CENTER][/frame]