قلبي تعـذب وإنكوى

[frame=”17 80″] [CENTER]من ســنين طــوال قلبي تعـذب وإنكوى
يوم جيت ارتــاح قـال الزمـن لاتســتريح

قوم شوف اللي على الباب,ناداك الهوى
قلت انا صكيـت باب الهــوى عن كل ريح

قــال ياظميــان مَقــرَبك من عــدّ الـروى
بلّ ريقك ,قلت في خاطري يمكن صحيح

قمــت أجــدد كل جــرحٍ تولّــى وإنطـوى
وجيت كلي مثـل طفــلٍ لفقـد امه يصيح

وجيتني مجــروح محتــاج لجـروحك دوى
كيف اداوي لك جـروحك وانا مثلك جــريح

المقــــاديــر ذبحـتنــا وحــطتنــا ســوى
قلت لك ويش يستفيد الذبيح من الذبيح

شـفتني في لحظة اليأس مهـدود القوى
وطحـت من عينك , لكنك بعيني ما تطيح

الشاعر : عبدالله الطلحي
[/CENTER][/frame]