كانت حكايات وصارت جمعية

حكاية حكتني جدتي الله يرحمها

كان ياما كان في قديم الزمان وسالف العصر والأوان

زمان في حارتنا القديمة ، جنب الحرم ….. الناس فيها منسجمين وطيبين ….. وكلهم على قلب واحد ويد واحدة

إذا مرض أحد فيهم ……. حسوا أهل الحارة بمرضه

حتى النوم ما يذوقوه ولا يتهنوا به

كيف ينامون وعندهم في الحارة مريض؟

وايه ……. مرض مزمن وخطير كمان

جاءنا الحكيم معتوق وكتبلنا روشتة باسم الدواء

راحوا الرجال يسألون عنه

طلع الدواء مرة غال….

والراجل على باب الله محتاج وفقير

وشوي نشوف العمدة في مركازه ينادي

يا أهل الحارة فينكم جارنا مريض ويبغانا نجيبله الدواء بالشيء الفلاني

وشوي ما تشوف عينك إلا النور اش العطار واش التاجر والجواهرجي والسبحي والسقا والحمصاني والنحاس والمنجد والفكهاني والسروجي والكببجي والفران والفوال كل دول رجال الحارة قالو ما يهمك ياعمدة هذا جارنا مننا وفينا كل واحد فينا راح نحط قرشنا على قرش بعض ونقدر نشتريله الدواء إن شاء الله

وعلى قوله كم يوم اتلملم القرش على القرش الين جابوا قيمة الدواء

وقام من وسطهم عباس معروف بأمانته وصدقه في الحاره ويقول يا جماعة الخير كفيتو و وفيتو وأنا من دوري أتحمل أني أروح اشتريله الدواء وأوصله لحد بابا بيته

كدا كانو ناسنا وآبائنا واجدادنا

ماتوا الله يرحمهم وأعمالهم الخيرة باقية

وتعالوا اليوم حبايبنا نشوف حالنا ايش صار

الحكاية دي صارت جمعية

جمعية دواء الخيرية

مرخصة برقم (541) برخصة وزارة الشؤون الاجتماعية

همهم بهم أهل الحارة يهتمون بمرضى فقراء مكة المكرمة ويرتبلهم ويأمنلهم علاجاتهم

ما عليهم إلا أنهم يكلمون التجار وأصحاب اﻷيادي البيضة أنهم يحطوا ريالهم على ريال بعضهم على الحسابات دي

حساب الجمعية الخيرية لتوفير الدواء – بنك الراجحي

SA448 0000 44360801 444 4447

حساب الجمعية الخيرية لتوفير الدواء – بنك الاهلي

SA951000 0000164846000105

حساب الجمعية الخيرية لتوفير الدواء – بنك البلاد

SA271500 0999300001930007

وهما يقوموا بدور عباس في زمانه يشتروا الادوية ويوصلوها كمان  لحد بيت المريض، وأسا ل المولى العلي القدير ان يشفي كل مريضة ومريض، وان يكتب اجرنا واجركم  في موازين حسناتنا . والسلام عليكم ورحمة الله وبركاته.

سلطان يعقوب السيامي