سبحان من صورك ياسيد احبابي
سبحانه منهو عطاك الزين سبحانه
لو قلت بنشد قصيدي واكتب واعجابي
جف الحبر والشعر زانت بك الحانه
زينك ورسمك ورب الكون جذابي
كل الحلى فيك بشكاله وبالوانه
يابنت ماشفت مثلك بين الاعرابي
انتي ملاك البشر بالزين يافلانه
وانتي الوحيده التي مسكانك اهدابي
والروح ياروح روحي فيك ولهانه
ان غبت عني دقايق ثارت اعصابي
وان شفت زولك يخفف قلبي احزانه
حبك رسى وسط قلبي واقفل البابي
عروق قلبي الحرس والضلع ترسانه
ختامها اعاهدك ياسيد احبابي
ماخون والشاهد الرحمن سبحانه
