خلوني ابحر في خيال القصيده
وانظم من الشعر الفريد الكـتابه
وصفك ملك كل الخصال الفريده
مثل الثـرى ماتعشق الا السحابه
ماني مقـدم لك مقـال الـجـريده
بكتب من الشعر المصفّى جوابه
سافر ولا يـدري بـ أنّه ، فـقـيده
وطال السفر والهم سـبّة غـيابه
لو تـدري انك في صـفاح وريـده ؟
ماقفـيت عنّي والحشى في عذابه
بسالك وابغا منك جـملـه مـفيده
سوال وابغـى منك رد ، الإجـابه
ليه الجفى والصـد ياسـيد سـيده
وانا الحبيب اللي تـزايد اعـتـابه
لو تنظر ان ايّـامك عـمرك ‘ سعـيده
في غـيبتك صدري من الحزن غابـه
ينسخ خـيالي من قـديمه ،،،، جـديده
واذكرك لـو طيفك بـعـيدً ، سـرابه
ليت العمر لـو عـاد نـقـدر ! نـعـيـده
ونسترجع الماضي ونرجـع قـرابـه
