[COLOR=#FF0036]مو كل مدردم بدنجان ![/COLOR] يكتبها عمكم العمدة أبو صلوح ![/RIGHT] [CENTER][IMG]https://www.makkahnews.sa/contents/myuppic/05127be6ab23fe.jpg[/IMG] [/CENTER] [JUSTIFY]ذاك اليوم وأنا قاعد مع البشكة في المركاز وبأمان الله وقاعدين لك الله نطق حنك ونلعب بلوت .. جاني جارنا الواد حمزة ..وهو شاب قدها وقدود ومعروف عند أهل الحارة ..أبوه الله يرحمه كان شيخ البازان وإنتوا إكيد سمعتوا بالبازان حق الموية وكان في كل حارة بازان يروحوا السقايين ويعبّوا منه موية ويوزعوها على البيوت بالزفة على أكتفاهم أو بالحمير أكرمكم الله ..وقالي الواد حمزة ..أبغاك في هرجة ضرورية وكلمة رأس على جنب !!
قمت على طول وقلت اللهم أجعله خير..لأحسن ماهي ناقصة هيا هات الهرجة .
قال الواد حمزة ..ياعم أبو صلوح أنا مستحي شوية منك ..قلت له قول ياواد أنا قدها وقدود .. قاللي إنت تعرف أنا ماعندي شغلانه ولاشئ يعني عاطل وجيتك وحالتي إنقطي ولا عندي ريال واحد والحالة حالة ..قلت له تؤمر ياواد ياحمزة ، هيا خذ هذي الكم ريال مشي بيها حالك لغاية ما تحصل شغل !! قالي الواد حمزة ..أشكرك ياعمي أبو صلوح يا شيخ العُمد ..
قال وعندي برضو كلمة رأس ضرورية ..قلت له خير إنشاءالله وخبطت على صدري وقلت إبشر ..هيا قول لي الهرجة من أولها !!
قال الواد حمزة .. تعرف الحرمة ديك اللي إسمها زينب اللي زوجها كان يشتغل عسة وبعدين مات الله يرحمه ..قلتلوا نعم ..وهي إيش أخبارها ترى أبوها شرواك إنسان طيب وكان قصاص أثر معروف في البلد.. سكت شوية الواد حمزة وما أشوف لكم ياجماعة الخير إلا والدموع تنزل من عينيه المسكين!! ..
قلت له خير ياولدي حمزة لايكون الحرمة حصلها حاجة وإلا محتاجة ..قال أبداً ياعم حمزة بس راعي البيت يبغى يخرجها من البيت هي وبزورتها الخمسة لأنها مادفعت الكرا حق البيت .. قال قال إيش عندها فلوس بالهبل وما تبغى تدفع الكرا.. .. قلت له والله حاجة تحير.. ياعيني عليها مين فين لها فلوس ..هذه منتفة وقاعدة تعمل فوفل وبليلة في البيت وتبيعه على البزورة في الحارة حتى تعيّش بزورتها إيش تعمل؟ ..بعدين كيف معاهم أصحاب البيوت هذول ..يعني ما يعرفوا أحوال الناس وبعدين مو كل مدردم بدنجان – يعني بسراحة كذا الناس ماهي زي بعضها – ياعالم ياهو يا ناس هي فين الجمعيات الخيرية اللي يقولوا عليها ليش ما تجي تشوف حالة زينب هذي وتساعدها هي وبزورتها !!
قلت ياولدي ياحمزة أنت تروح دوغري عليها وتقول لها العمدة أبو صلوح قال أفا مايصير إلا خير ..وإنتي خليكي في أمان الله في البيت – أنا إن شاء الله أجمع من أهل الحارة كرا البيت وأدفعوا لراعي البيت !!
ياجماعة الخير .. عمكم العمدة أبو صلوح يقولكم لا تكونوا قاسين مع المساكين هذولي وتخرجوهم من البيوت ..خلوكم متساهلين معاهم يمكن عندهم ظروف ماقدروا يدفعوا الكرا زي الست زينب هذى وغيرها كتيرين ..لازم نراعي حالاتهم وإن عندهم بزورة الله يرعاهم يعني فين يسكنوا في الشوارع وإلا في الحدائق هادي حقت البلدية .. الرحمة ياجماعة الخير واجبة ..شوفوا زمان كانوا الناس كيف متراحمين متعاطفين واليوم ياساتر أستر القلوب قست والبطر زاد والناس أصبحت كل همهما الفلوس الفلوس !!
أقولكم بسراحة أهل مكة وغيرها من المدن حقتنا ناسها طيبين وأهل شيمة وأهل قيمة وقلوبهم بيضا ومايشيلو على أحد وحياتهم كلها حلوة – ناس عالية الهمة ومين شكو الزمان شكة أو حالو مالو تكة .. لا يتعب ولا يشيل هم دغري يروح لأهل مكة..[/JUSTIFY]
ياسلام ياعمده يا أبو صلوح جبتها في العظم … وفعلاً ساروا أهل العماير قاسيين
وطورت الإجراءات وصار فيها شرطه وأماره وفصل كهربه … والله قلوب قاسيه
بالله عليك يا عمدة أوصيك على الست (( زينب )) والتعم با أهل مكة ولا تكو شكه مالو
إلا أهل مكة….
السلام عليكم
موضوع جميل جدا ومعبريعطيك العافية ياعمدة
وشكرا صحيفة مكة على تقديمك لكل جديد ومفيد لاهالي مكة المكرمة
دمتم بخير
ياسلام ياعمده يا أبو صلوح جبتها في العظم … وفعلاً ساروا أهل العماير قاسيين
وطورت الإجراءات وصار فيها شرطه وأماره وفصل كهربه … والله قلوب قاسيه
بالله عليك يا عمدة أوصيك على الست (( زينب )) والتعم با أهل مكة ولا تكو شكه مالو
إلا أهل مكة….
السلام عليكم
موضوع جميل جدا ومعبريعطيك العافية ياعمدة
وشكرا صحيفة مكة على تقديمك لكل جديد ومفيد لاهالي مكة المكرمة
دمتم بخير