الدموع اتزور عيني كل صبح وكل ليله
والحزن في القلب دوله
وللاسى في القلب صوله
بين زفرات المحاني
في شجوني بما اعاني
مات ابو متعب
حبيب الشعب كله
مات لكن باقي ن ويمد ظله
في القلوب اللي تحبه ….وتجله
في قلوب الشعب كله
انت ياوهج الهوى الطيب تخلل في محله
قله ان الناس تدعي له وتشكره وتحله
ايه تحله
وتطلب الله خالقه يلطف بحاله
وتسأل الله العظيم المعتلي يكرم مآله
بسمته تشرق علينا …
تعيش فينا
كل صبح وكل ليله
تسعد النفس العليله
من اسى الوقت وعويله
صورته لاشفتها ضاعت شجوني
واشرقت دنيياي وارتاحت عيوني
هي حقيقه مات ابو متعب ….
حبيب الشعب كله
هوحقيقة ….غاب عنا
هوحقيقة راح منا
لاوربي ما تغيب البسمة اللي في جبينه اي وربي في شفوف القلب باقي
في قلوب الشعب راقي
لك في كل اقلوبنا حب كبير ما يتغير
في حنايا الصدر نادي …
مع تسابق نفس شعبك
ياابو الشعب وحبيبه
ياهناه اقرب قريبه
ياحبيب الشعب كله
شفتك فعين الكبير اللي يدور وزاد همه
شفتك فعين الصغير اللي نصاك ايدور امه
شفتك فعين المريض اللي شكا والحزن لمه
شفتك بعيني تهل الدمع للطفل وتضمه
شفتك فعين الضعيف اللي نعاك وزاد غمه
شفتك فعين الجموع اللي اساها صعب جمه
شفت فيك الشعب يبكي والدموع اتلد فمه
شفت فيك الدين يشرق وبسمتك بالحب رحمه
شفتك فعين الحمامه في فضا بشتك تضمه
كيف ننسى بسمتك يابو اليتامى
كيف ننسى وقفتك يابو الاياما
كيف ننسى مدة الكف الحنونه
سيرة حلوة تعطر من قراها
اسأل اللله العظيم المعتلي يكرم مآلك
وأسأله يلطف بحالك
ويرحمك ويرفع منالك
ياحبيب الشعب كله
