اليا تبسم ياقصيدي من الناس
انسان واحد اعتبر نفسي كتاب
واليا ملكت قلوب وعيون وحساس
كني ملكت الكون كله بلا حساب
جيتك ونا من حره الوقت عساس
واسقيتني من بحرك العذب مشراب
اجر هاجوسك مع جر الانفاس
وادعي بنات الفكر وتلبي اعجاب
وانظم على سلك الذهب حب الالماس
لاعلقوه بصدر منعوس الاهداب
واحوم بك لاهب ذعذاع نسناس
والعب طواريقن عسيرات وصعاب
وأشوم بك من وجه حاقد وبلاس
واحسب حسابك بين ربعي والاجناب
النا على موجك سفينه وغطاس
ولنا على فيضتك عدٍ ومرقاب
ونضرب تماثيل من الحق نبراس
الخير كله بين روضه ومحراب
واطعن بك نحور الثقيله من الياس
والراس شيب مبطياً عادني شاب
لاصرت من حاجتك ياالرجل منحاس
دنيا التجارب تكشف أوراق الاصحاب
حب الشجاعه والكرم منهج الراس
واشوش لاشفت القصايد لها باب
فلاباس ياقلبي من الهم لاباس
أبشر بظنك والرجا فيه ماخاب
