ياولي الامر حاكم بلدنا
يازعيم الحق فيكم املنا
ياهل العوجا سلايل معزي
ان سكتو وان سكتنا هلكنا
التواصي من صنوف الترابط
وحن صفوف جيوشكم ياوطنا
وان دعا الداعي تشوف السرايا
ودون حد الدار نبذل جهدنا
الله يرحم من بناها بسيفه
واستقام الامر فيه ونهضنا
بعد ماكان الجهل والظلالي
والفقر والجوع قصه سلفنا
الرجال أهل السلوم القديمة
من مجالسها كثيرن درسنا
مورثين الكور وشداد ريمه
ودرب ماضين الفعايل نهجنا
ومن يشوف احوال وقت نعيشه
عزتي لوضاع حاله خلفنا
المواقف والمشاهد خطيره
ويتجدد كل يومن فزعنا
وين حكم الله وسنه رسوله
والكتاب المنزل اللي جمعنا
الجنود تموت والوضع مزري
والمعازف والمغني فتنا
ياامام الدار راعي المسيره
كل مانملكه يفداء وطنا
الفتن ماشبها الا الفواسق
والمقاصد خلخله مجتمعنا
ياديار العز ياهل المحازم
كلمه المعروف غايه هدفنا
قبله الاسلام مكه وطيبه
منبع التوحيد ياداعيتنا
ياشيوخ الدين ياهل العقيده
التناصح ساس في معتقدنا
الصراحه تنقذ أهل السفينه
يانجينا كلنا ياغرقنا
النساء فتنه وياهي مصيبه
والنبي حذر وحنا شهدنا
وميزه قلوب التقاء والهدايه
لاقضاء الله أمراً قالت اطعنا.
كل مغتر زينتها السفايف
ويش عذرك دونها يا جملنا
