يا أخواننا في قطر تكفون
عنادكم لا يضيّعكم
واذا دعا للفتن مجنون
يا حيفنا وين حكمتكم
من خلف غدّاركم تسعون
والغدر ما هو عوايدكم
………………………..
عزمي بشاره ولد شارون
وش قرّبه من شواربكم
عجما تبي تنطح أم قرون
يخضع لكم ثم يغدركم
يبيعكم والامم يشرون
ومن بين الاقراب يخطفكم
…………………………..
والفرس واعوانهم يخسون
ما يستحلّون ديرتكم
قاموا على حزنكم يبكون
ودموعهم سم يهجدكم
من عهد قورش وأخمنيون
وهم يريدون طيحتكم
………………………….
والترك جوا يمكم يسعون
بعتادهم في مرابعكم
ولوجبة العزّ يحتلون
وزهابهم من دراهمكم
وان كان للشرط ما توفون
يغشونكم في مهاجعكم
…………………………
برموز الاخوان وش تبغون
حيّه وتظهر محبتكم
أنظر لهامان يا فرعون
عينه لباقي خزانتكم
مثل الخفافيش يجتمعون
واوكارهم في جزيرتكم
………………………..
ان كان ودّ الخليج يهون
يا ليت تصحى عروبتكم
ما غيرنا في جميع الكون
وقت الملاقى يزبّنكم
واذا تقولون ماتدرون
مصير الايام تخبركم
