لاجيت ابفرح مايطاوع زماني
الحزن اكبر من مساحات الأفراح
اسهر طوال الليل والصبح أعاني
وليا نشدني واحدٍ قلت مرتاح
اطرد سرابك يابعيد الاماني
واشدّ وانزل والمطر مابعد طاح
وان جيت قاعك صفصفٍ ماسقاني
تلعب به رمال ومعاصير وارياح
جور الزمان بحد سيفه وطاني
مافيه شبر بهالجسد مابه جراح
مثل الحزن بحضور بعض الاغاني
وقفت انا مير الزمن ماوقف راح
واقول تكفى يازماني كفاني
شفت الخساير منك ماشفت الارباح
صبرت لين العمر مل الثواني
يالله بيومٍ للفرج فيه مفتاح
