في فجــاج الجزيرة قبل تسعين عام
خيّم الجهل، واحوال البشر في ضلال
الحـروب اطحنتهم والفقـر والسقـام
والتخـلـف غدا لاهـل الجـزيرة وبـال
لـين نادى المنـادي: أبشروا يا كـرام
ابشـروا بالمخلـص للأمـور العـضـال
وجا معزّي فتى نجد الشجاع الهمام
في قليل العـدد، لكن شديد الرجـال
وابتـدا من رياض العـز ّ دار العـظـام
عاصمة نجد شامـت له تنادي: تعال
دار تركـي وفيصـل دار ابـوه الإمـام
دار نوره واخـو نوره عظيم الخصـال
وانطلـق في جهـاده لين نال المـرام
وحّـد اركانهـا وانهى سـراب الجـدال
واعلن الوحدة الكـبرى لـدار السلام
حارب الجهـل والأمـراض والفقر زال
واصبحت دولته دولـة رشـاد ونظـام
في حمـاهـا تحقـق كل شـيٍّ مـحـال
واستلـم بعده انجـالـه وثيـق الزمـام
واطلقوا موكب التطـوير حـدّ الخيال
داروا الحكـم في كل الأمـور الجسـام
بالسـيـاســة وبالحكـمـة وبالإعـتـدال
وبعد تسعـين عـام اليـوم حـنّا تمــام
تحت رايـة ملك عـزمـه يهـدّ الجبــال
ما يهمّـه عـدو يسعى لوقـت الصدام
ولا يهـمّـه منـافـق يكــثر القـيـل قـال
اقتصـاد البلـد بين الـدول في الأمـام
بين عشــرين دولـة تمتـلك راس مـال
عهد سلـمـان بالظـفـرات نال الوسـام
واعـتـلى قـمّـة العشـرين تأكـيـد حـال
وتحت ظـلّـه ولي العهد عالي المقـام
من يباريه في الهمّـة وصـدق المـقـال
صاحـب الفـكـر والـتـنوير والاهـتـمـام
الـقـوي الأمـين اللـي يشـيـل الـثـقـال
والـوطـن شـعـب وقـيـادة على ما يرام
قمّـة المـجـد موعدهـم قـريب المنال
